ومن الحب ماقتل




الحب ع قد ما بيقوينا ممكن يضعفنا جدا. انا بحب واحد بحبه جدا هو اول حب وبصراحه مش عايزه احب غيره رافضه تماما مجرد التفكير ف الموضع اللي لظروف خاصه اتجوزنا ف السر بعلم اهلي ما انكرش اني قلتله انا مش عايزه اي حاجه منك غير وجودك جمبي ودي حقيقه انا مستقله ماديا وعندي شغلي وحياتي كده كده ماشيه بس وجوده هو اللي فارق معايا المشكله انه مضغوط نفسيا شغل وظروف انا بعمل معاه ع اد ما اقدر عشان مايحسش انه لوحده اغلب الوقت شيفاه ابني بخاف عليه حتي من نفسه وبحاول ابقي جامبه ع طول لكن هو مش حاسس ب اللي جوايا اوقات كتير ببقي نفسي ارمي نفسي ف حضنه وافضل اعيط او تستخبا فيه من لحظه وجع لكن مابلقيش منه داه لانه شايف حبه ليا ضعف وانه لو ساب نفسه معايا او استسلم لمشاعره فاداه غلط بيداري حنيته وطيبته ورا قناع واجع قلبي انا ماليش حد غيره ممكن اتكلم معاه او احكيله هو اقرب حد ليه... لا هو الوحيد اللي ممكن اتكلم معاه... لكن عارفه انه حتي مش حابب يسمع هو عايزني انا اضحك واهزر والعب لكن اقول تعبانه لا...... لكن انا فعلا تعبانه جدا وبجد فكره بعده بتموتني...

ليست هناك تعليقات