أهلي فاكرين اني مجنونه



انا في كلية طب ومن الاوائل علي دفعتي .. الحمدلله ربنا رزقني بالجمال بس الكمال لله وحده .. انا شايفه ان شخصيتي وحشه جدا .. انا عارفه ان انا فيا عيوب بس مش بعرف اغيرها .. دايما بخسر الناس القريبه مني بسبب شخصيتي لدرجة اني بقيت اخاف اقرب من حد اوي .. اغلب علاقاتي سطحيه بقيت اخاف اختلط ودايما منعزله .. حبيت مره وخسرت اللي بحبه بسبب شخصيتي .. مع اني طيبه جدا ويتضحك عليا بسهوله بس دايما مش عارفه انا عاوزه ايه متناقضه جدا مع نفسي مش ببأه عارفه انا عاوزه ايه .. يعني ابأه عاوزه حاجه ومصممه وبعدها مش عاوزاها .. ممكن اكون بضحك وبعدها بدقيقه ازعق واتعصب ..انا حتي مش عارفه الشخص اللي حبيته ده كنت بحبه بجد ولا لا .. عصبيتي وحشه جدا يعني بتعصب علي اقل حاجه .. ممكن حركه عاديه تعصبني او كلمه تعصبني وحساسه جدا جدا وصريحه جدا .. اهلي نفسهم مدايقين من الموضوع ده وبيستغربوني جدا لدرجة ان مامتي بتقول عليا دايما اني مجنونه ولازم اتعرض علي دكتور نفساني .. اه بيكون كلامها هزار بس بيأثر فيا جدا .. الموضوع ده فعلا بأه اوفر معايا ومش عارفه اتحكم في نفسي ازاي .. !!

ليست هناك تعليقات