انا بنت 20سنه مشكلتي االمشاكل اللي بين بابا وماما كل يوم






أنا بنت 20سنه مشكلتي االمشاكل اللي بين بابا وماما كل يوم ضرب وخناق وشتيمه مفيش تفاهم بينهم وهما معديين الخمسين سنه غير مشاكل اختي اللي اتطلقت ورجعت تاني اقسم بالله كرهت كل حاجه والجواز كمان بقي مشروع فاشل مبقاش حد يتجوز الا وبعد شهور يطلق وع اي لقب عنوسه مش وحش والله عارفه اني احسن من غيري وبقول الحمد لله بس جو بتنا مشحون دايما حتي امي عادي ولا بتهتم بيا ولا بتقولي مالك فيكي اي كل علاقتي بيها امسحي روقي نضفي اكني خدامه معنديش مشاكل اني اعمل بس الاسلوب والطريقه متساعدش الواحد انه يعمل كل اللي بعمله بفضل قاعده ف اوضتي وقافله عليا تجنبا لمشاكلهم وكلامهم احنا بنتين وولد اخويا الولد الوحيد اكتر واحد طلباته بتتلبي ف الحال ويزعق لماما ويمد ايده عليها وع قلبها زي العسل محدش بيقله عيب وغلط وف الدراسه يجي وشه متعور هتقولولي دا اللي بيحصل ف كل بيت من مشاكل هقلكو عندي الضعف كل يوم بتحصر اما اشوف بنت امها بتحضنها ‘وتقولها مش محتاجه حاجه ياحببتي وانا امي مش بتعمل معايا كدا اقسم بالله لو الشقه كلها نضيفه ومواعين تمام ونسيت مثلا اشيل غسيل تسيب كل دا وتشتم ووتهزأ ع غسيل وبابا اللي ع طول شايل ايده من كل حاجه اما كنت ف اعدادي كنت انا اللي بروح اقدم واخلص ورقي والاقي الاب حاضن بنتو تحس ان ليها سند انا مش حاسه بدا حاسه اني لوحدي ف الدنيا بقيت اخاف من اي حاجه والله تعبت وكل شويه اعيط فين جو الاسره والاهتمام. والحب والاحتواء انا لما بتعب اقسم بالله محد بيسال فيا غير لما اكون خلاص ع وشك الموت لي كدا بيحصل كل دا اهلي مش متعلمين ولا قادرين يفهموني معلش طولت عليكم اصل مش لاقيه حد احكيلو لان ذي مانتو عارفين محدش بيهتم بحد كله بيحب نفسه وبس ربنا يسعد ايامكو

هناك تعليق واحد:

  1. حبيبتي العزله مش حل ..حاولي تغيري اهلك ودا صعب طبعا بس حاولي تتكلمي وتتناقشي معاهم براحه دخلي وسيط بينهم ولو كل دا صعب متنعزليش ..اخرجي مع اصحابك وقرايبك اكبر قدر ..اشتغلي مثلا وابعدي عن دوشه البيت ..او انعزلي بس مش اللي هو اكتئاب .انعزلي بطريقه صح خلي بينكوا مساحه شخصيه ..وبالنسبه لمامتك استحملي انا اعرف امهات كتير كدا مش بيتغيرو .بس عايزاكي تفكري ف مكافئه ربنا ليكي لو استحملتي ..مقدرش اقولك غير ربنا يصبرك ..ويرزقك بشخص حنين يخلصك من الللي انتي فيه ..وبلاش حيات اهلك تبقي مقياس للحياه الزوجيه بتاعتك فيما بعد .احسني الاختيار وتوكلي ع الله وان شاء الله خير ..

    ردحذف