انا حبيت من 4 سنين ومن سنتين خطبتها



انا حبيت من 4 سنين ومن سنتين خطبتها...طلعت اد كلامي وراجل واختارتها...واتقدمت وحصل النصيب...والدها راجل سلفي من حزب النور... مشايخ السلطان وراجل للاسف متصابي لابعد الحدود...غلط فيا كتير وانا استحملت وقولت اما اتجوزها هخلص منه...بس انا ما كنتش ع هواه للاسف... كان عاوز يجوزها أخ وشيخ وكان حاسس ان البنت فرضتني عليه...كان حقيقي قسما بالله اي مشكله بيني وبينها يبقي زي العيل اما صدق لقي مشكله ويقولي خلاص كده مفيش جواز...وبدأوا اخواتها البنات الاتنين الاكبر منها يملوا دماغها 





بحاجات مقرفه زيهم...دا مش بيحترمك دا مش بيقدرك دا بيخونك دا مش طبعنا...والبنت ما بتسمعش لحد لانها بتحبني بس بتتأثر اكيد...مشكلتها كانت غيره وشك طول الوقت بطريقه مخيفه... بحكم شغلي لازم اكون لطيف مع الناس واتعامل باسلوب كويس لاني طبيب اسنان وانا والله عمري ما تعديت حدودي مع اي حد ولا خونتها لدرجة ان اي مكالمه بتلاقيني ويت ببعتلها سكرين شوت ليها لكن هي عندها وسواس شك اني هخونها مع اني واخدها عن حب وانا مشكلتي الوحيده شخص عصبي جدا...لكن والله عمري ما ظلمتها وكنت حنين عليها لابعد الحدود وهي عارفه وواثقه من كده...ابوها طاغي عليها وبحسها ملهاش شخصيه ف وسطهم بس بقول مهما كان ابوها ولازم تطيعه متصابي كان او تافه...البنت انا متأكد انها عاوزاني وانا فعلا بحبها وعاوزها...بس ف وجود ابوها كل شئ بلح وهي كانت مخليه حياتنا جحيم بشكها خصوصا بعد الخطوبه...ابوها واخواتها ماشيين ف كل حته بقلة اصل يقولوا البنت فركشت عشان خطيبها ما

 كانش كويس ومش زينا...وانا اما حد بيسألني بقول محصلش نصيب وقدر الله وما شاء فعل... هتجنن وانتقم منه واكسر غروره وكبريائه المقزز ده وانا اقدر اعمل كده بسهوله واكسره قدام نفسه...بس برجع واقول مهما كان سامح وعدي وامرك الي الله... بس فعلا كل حاجه واقفه ف حياتي تقريبا وعاوز البنت...ودماغي وقفت عن التفكير ومفيش حلول...
اللي يقدر ينصح نصيحه كويسه او حديث شريف يهديني او آيه تريح بالي يتفضل...وآسف ع الاطاله. 
اللينك من فضلك ^^

ليست هناك تعليقات